શિવ – શ્રી શિવ સ્તુતિ – શંભુ ચરણે પડી
શંભુ ચરણે પડી માગું ઘડી યે ઘડી કષ્ટ કાપો;
દયા કરી દર્શન શિવ આપો !
તમો ભક્તોના દુઃખ હરનારા, શુભ સૌનું કરનારા;
મારી મંદ મતિ, તારી અકળ ગતિ, કષ્ટ કાપો;
દયા કરી દર્શન શિવ આપો !
અંગે ભષ્મ સ્મશાનની ચોળી, સંગે રાખો સદા ભૂત ટોળી;
ભાલે તિલક કર્યું, કંઠે વિષ ધર્યું, અમૃત આપો,
દયા કરીદર્શન શિવ આપો !
નેતિ નેતિ જ્યાં વેદ કહે છે, મારું ચિતડું ત્યાં જવા ચહે છે;
સારા જગમાં છે તું, વસું તારામાં હું, શક્તિ આપો,
દયા કરી દર્શન શિવ આપો !
હું તો એકલપંથ પ્રવાસી છતાં આતમ કેમ ઉદાસી !
થાક્યો મથી રે મથી, કારણ મળતું નથી, સમજણ આપો;
દયા કરી દર્શન શિવ આપો !
આપો દ્રષ્ટિમાં તેજ અનોખું, સારી સૃષ્ટમાં શિવરુપ દેખું;
આવી દિલમાં વસો, આવી હૈયે વસો, શાંતિ સ્થાપો;
દયા કરી દર્શન શિવ આપો !
ભોળાશંકર ભવદુઃખ કાપો, નિત્ય સેવાનું શુભ ધન આપો;
ટાળો મન મદ, ગાળો સવ સદા, ભક્તિ આપો;
દયા કરી દર્શન શિવ આપો !
શંભુ ચરણે પડી માગું ઘડી રે ઘડી કષ્ટ કાપો,
દયા કરી દર્શન શિવ આપો !
Category: દેવી દેવતાઓ, શિવ, ઉપાસના, સ્તુતિ
Posted
on Monday, April 26th, 2010
Related posts:
- માતાજી સ્તુતિ – વિશ્વંભરી અખિલ વિશ્વતણી જનેતા
- માતાજી સ્તુતિ – અંબા મા તારું દર્શન દુર્લભ દર્શનથી દુઃખ ભાંગે છે
- શિવ – શ્રી શિવ સ્તવન
- શ્રી ગણેશ સ્તુતિ – તુલસીદાસ
- માતાજી સ્તુતિ – અંબા અભય પદ દાયિની રે
- માતાજી સ્તુતિ – જે માનવી જન્મી જગે જગદંબને ભૂલી ગયો
- શ્રી કૃષ્ણ – શ્રી રણછોડ બાવની
- શિવ – શ્રી રુદ્રાષ્ટકમ્
- માતાજી સ્તુતિ – મૈ ગુલામ મૈ ગુલામ મૈ ગુલામ તેરા
- શિવ – શ્રી દ્વ્રાદશ જ્યોતિર્લિંગ સ્તોત્ર