આનંદ મંગળ કરૂં આરતી, હરિ ગુરુ સંતની સેવા

પ્રેમ ધરીને મારે મંદિરીયે પધારો, સુંદર સુખડા દેવા… વ્હાલા આનંદ મંગળ…

મારે આંગણિયે તુલસીનો ક્યારો, શાલિગ્રામની સેવા… વ્હાલા આનંદ મંગળ…

પય પકવાન આગે ધરું, વિધવિધ ના ધરું મેવા… વ્હાલા આનંદ મંગળ…

મોર મુકટ મકરાધીત કુંડળ, શ્યામ સુંદર હારી જેવા… વ્હાલા આનંદ મંગળ…

ત્રિભુવન તારણ ભક્ત ઉધારણ, અખંડ મૂરતી અભેવા… વ્હાલા આનંદ મંગળ…

સંત મળે તો મહાસુખ પામું, ગુરુજી મળે તો મીઠા મેવા… વ્હાલા આનંદ મંગળ…

સકળ તીરથ મારા ગુરુજીને ચરણે, ગંગા જમુના રેવા… વ્હાલા આનંદ મંગળ…

શિવ સનકાદિક ઓર બ્રહ્માદિક, નારદ શારદ જેવા… વ્હાલા આનંદ મંગળ…

એની વાણી વેદે વખાણી, નારશું  જાણે એવા… વ્હાલા આનંદ મંગળ…

જેના આંગણિયે કત નહિ કીર્તન, એ ઘર સમસાન જેવા… વ્હાલા આનંદ મંગળ…

ઝીણા ઝીણા મોતીડે ને ચોખલીયે વધાવું, આવો દરશન દેવા… વ્હાલા આનંદ મંગળ…

રતન જડિત બાજોટ ઢળાવું, આવ્યા દરશન દેવા… વ્હાલા આનંદ મંગળ…

કહે પ્રીતમ ઓળખો અવિનાશીને, હરિનાં જન હરિ જેવા… વ્હાલા આનંદ મંગળ…

Category: ઉપાસના, આરતી, દેવી દેવતાઓ, ગુરુ
Posted on Thursday, April 22nd, 2010

Related posts:

1. સંત ભોજા ભગત – સંત જલારામ બાપાના ગુરુ
2. શ્રી ગણેશ આરતી
3. શિવ – શ્રી શિવ આરતી – ઓમ્ જય શિવ ઓંકારા
4. બંગાળના મહાન નામાવતાર સંત – શ્રી શ્રી સીતારામદાસ ઓમકારનાથ ઠાકુર
5. જય આદ્યા શક્‍તિ મા આરતી
6. શ્રી લક્ષ્મી માતાની આરતી